काठमाडौँ,१ असोज- शिक्षा,विज्ञान तथा प्रविधि मन्त्री विद्या भट्टराईले विज्ञान,प्रविधिका साथै नवप्रवर्तन कार्यक्रम सञ्चालनको लागि एक अर्बको कोष स्थापना गर्ने घोषणा गर्नुभएको छ । शिक्षा मन्त्रालयद्वार १२ औँ राष्ट्रिय विज्ञान दिवसको अवसरमा आयोतिज कार्यक्रमलाई सम्बोधन गर्दै मन्त्री भट्टराईले सो कुरा बताउनुभएको हो ।
मन्त्री भट्टराईले वर्तमान युग विज्ञान प्रविधिको युग भएकाले युगको महिमा कायम गर्न नेपालका समस्त वैज्ञानिकले आधुनिक प्रविधि र रैथाने प्रविधिलाई एकसाथ प्रवद्र्धधन गरी राष्ट्रिय उत्पादन बढाउनुपर्नेमा जोड दिदै डिजिटल साक्षरताको विकास गर्नुपर्ने बताउनुभयो ।
उहाँले अनुसन्धानलाई उत्पादनसँग जोडी विज्ञान प्रविधिको माध्यमबाट दिगो पूर्वाधारको विकास गरेर विज्ञान प्रविधि तथा नवप्रवर्तनलाई समुदाय र समाजको अङ्ग बनाउन सके विज्ञान दिवस मनाउनुको सार्थकता पुष्टि हुने बताउनुभयो ।