वालिङ,२७ चैत- वालिङ १२ ढिकिडाँडामा आगोलागी हुदा १ घर सहित ४ गाेठ जलेकाे छ। ढिकिडाँडाका गोविन्दप्रसाद लुईटेल बस्दै आएको टुमाखर लुईटेलको घर गोठ जलेर नष्ठ भएको छ भने नारायण लुईटेल, मुक्तिप्रसाद लुईटेल र तारा लुईटेलको गोठ जलेर नष्ठ भएको हो । विगत ३ दिन देखि जंगलमा लागेको आगो वस्तीमा पस्दा ४ घरगोठ जलेका हुन् । घरगोठ जलेपनि कुनै मानविय तथा पशुको भने क्षति भएको छैन् ।

स्थानीय युवा राजुख्याम काफ्लेका अनुसार वालिङ १२ र १४ को सिमाना जंगलमा सल्किएको आगोलागीले वडा नंं १२ को घरगोठमा क्षति भएको हो । गाउँमा पानीको अभाव र दमकल जाने सहज बाटो नहुँदा आगो निभाउन समस्या भएको वडा नं. १२ का अध्यक्ष विश्वजंग गुरुङले बताउनुभयो । 

जंगलमा फैलिएको आगो अहिले भने लामपाते गाउँको तलसम्म पुगेको र तत्कालको लागि वस्ती जोखिममा नरहेको अध्यक्ष गुरुङले बताउनुभयो ।