वालिङ,८ पुस- वालिङ नगरपालिकाकाे आयोजनामा भएकाे प्रथम राष्ट्रपति रनिङ शिल्ड प्रतियोगिताकाे उपाधी पूर्णमृत भवानी माध्यमिक विद्यालयले जितेको छ । यहि पुस ४ गतेदेखि वालिङ १० मा रहेको बैडी स्थित औद्योगिक ग्राममा सञ्चालन भएको प्रतियोगितामा पूर्णामृतले ६ स्वर्ण पदकसहित प्रथम उपाधी जितन सफल भएकाे हो । पूर्णामृत माविले ६ स्वर्ण ५ रजत र २ काश्य पदक सहित प्रथम राष्ट्रपति रनिङ शिल्ड प्रतियोगितामा उपाधि जितेको हो । प्रतियोगितामा लक्ष्मी माविले ६ स्वर्ण ४ रजत र ३ काश्य पदक सहित द्वितीय स्थान हासिल गरेको छ । त्यस्तै बालविद्या आवासीय माविले ५ स्वर्ण  ३ रजत र २ काश्य पदक सहित तृतीय स्थान हासिल गरेको छ । महेन्द्र माविले  ४ स्वर्ण र १ काश्य पदक सहित सान्त्वना स्थान हासिल गरेको छ । प्रतियोगितामा माझकोट माविले २ स्वर्ण,१ रजत र ३ काश्य पदक प्राप्त गर्दै पाँचौ स्थान प्रप्त गरेकाे छ भने नेपाल आदर्श आवासीय माविले १ स्वर्ण ४ रजत र ३ काश्य पदक सहित छैटाै स्थान प्राप्त गरेकाे छ। 

प्रतियोगिताको समापन समारोहलाई सम्बोधन गर्दै वालिङ नगरपालिकाका प्रमुख कृष्ण खाँणले विद्यार्थीहरुलाई खेलको माध्यमबाट नगर र राष्ट्रको नाम राख्ने गरी खेल्न आग्रह गर्नुभयो । नगर प्रमुख खाँणले खेल गतिविधिले आपसी भाइचाराको विकास,शारीरिक तन्दरुस्तीको साथै आफूभित्रको क्षमता पहिचान गर्न सकिने बताउनुभयो ।

समापन समारोहमा नगर उपप्रमुख कविता तिवारीले आगामी दिनहरुमा नगरपालिकाले प्रतियोगितात्मक कार्यक्रमहरु सञ्चालन गर्दै खेलाडीहरुलाई अनुभवको विकासमा टेवा पुग्ने खालका कार्यक्रमहरु गरिने बताउनुभयाे। पुस ४ गतेदेखि सुरु भएको प्रतियोगितामा एथ्लेटिक्स,कबड्डी,भलिबल, ज्याभलिन थ्रो,शटपुट थ्रो लगायतका खेलहरु सञ्चालन गरिएकाे थियाे।