अन्तराष्ट्रिय स्तरमा प्रतिस्पर्धा गर्न सक्ने खेलाडी उत्पादन गर्नुपर्छ : राष्ट्रिय सभा अध्यक्ष तिमिल्सिना


वालिङ,२९ मङ्सिर–राष्ट्रिय सभाका अध्यक्ष गणेश प्रसाद तिमिल्सिनाले अन्तराष्ट्रिय स्तरमा प्रतिस्पर्धा गर्न सक्ने खेलाडी उत्पादन गर्नुपर्ने बताउनुभयो ।
कालीगण्डकी गाउँपालिकाद्वारा आयोजित पाँचौं अध्यक्ष कप कालीगण्डकी खेलकुद महोत्सवको उद्घाटन समारोहलाई सम्बोधन गर्दै अध्यक्ष तिमिल्सिनाले नेपालले एसियन प्रतियोगिताहरुमा सहभागिता जनाईसकेकोले अब युरोपीयन प्रतियोगिताहरुमा समेत प्रतिस्पर्धा गर्न सक्नुपर्ने बताउनुभयो ।
राष्ट्रिय तथा अन्तराष्ट्रिय क्षेत्रमा नेपालको पहिचान तथा गरिमालाई उच्च राख्नका लागि खेल तथा खेलाडीहरुको महत्वपपूर्ण भुमिका रहेको उहाँले बताउनुभयो । व्यवसायिक रुपमा खेलाडीहरुको क्षमता विकासका लागि स्थानीय तह, प्रदेश तथा संघ सरकारले उत्तिकै योगदान गर्नुपर्ने अध्यक्ष तिमिल्सिनाको भनाइ थियो ।
खेल क्षेत्रमा खेलाडीहरुको अनुशासन महत्वपूर्ण छ त्यसैगरी राजनीतिमा पनि राजनीतिक कर्मीहरु अनुशासन हुनुपर्ने अध्यक्ष तिमिल्सिनाले बताउनुभयो.। अध्यक्ष तिमिल्सिनाले भन्नुभयो, “देशलाई सम्मुनत नेपाल बनाउन सुशासन र सामाजिक न्यायमा पहुँच आवश्यक छ । नेपाल आँफैमा आत्मनिर्भर हुनुपर्छ । नेपालले अन्य देशलाई सहयोग गर्न सक्ने सामथ्र्य राख्नुपर्छ ।”
कालीगण्डकी गाउँपालिकाले चौतर्फी विकास गरिहेको भन्दै यहाँ कृषि, शिक्षा, स्वास्थ्य, खेल लगायतका क्षेत्रमा पालिकाले सकरात्मक परिर्वतन ल्याईरहेको बताउनुभयो । साथै उहाँले यस्ता प्रतियोगिताले नै राष्ट्रिय तथा अन्तराष्ट्रिय जगतमा प्रतिस्पर्धा गर्न सक्ने खेलाडी उत्पादन गर्ने उहाँले बताउनुभयो ।
कालीगण्डकी ७ मिर्मी स्थित खेलमैदानमा संचालन भएको खेलकुद महोत्सवमा २१ खेल खेलाईने कालीगण्डकी गाँउपालीकाका अध्यक्ष खिम बहादुर थापाले बताउनुभयो ।

यस वर्षको खेलकुद महोत्सवमा बुद्धिचालको विधा थप गरिएको थापाको भनाई छ । विगतको अध्यक्ष कपमा बुद्धीचाल खेलको माग आएपछि खेलाडीको आवश्यकतालाई मध्यनजर गर्दे यस पटक बुद्धीचाल खेल थप गरिएको अध्यक्ष थापाले जानकारी दिनुभयो ।
महिला तथा पुरुष तर्फ भलिबल, फुटबल, एथलेटिक्स, व्यटमिन्टन, बुद्धीचाल र टेवल टेनिस गरी ६ विधामा खेलाईने र पुरुष तर्फ क्रिकेट गरी जम्मा सात विधा गरी २१ खेल खेलाइने छ ।खेल पुस १ गतेसम्म सञ्चालन हुने छ ।

ताजा

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

समाचार प्रभाव: आज बाह्रबिसे मेला लाग्ने, तयारी पुरा

२०८१ बैशाख ५ गते, बुधबार

बाह्रबिसे मेला लाग्ने

२०८१ बैशाख ४ गते, मंगलवार

बस बाट खसेर विद्यार्थीकाे मृत्यु

२०८१ बैशाख ३ गते, सोमबार

यश पालि लाग्लाकी के गर्ला बाह्रबिसे मेला

२०८१ बैशाख ३ गते, सोमबार

किन गर्नुपर्छ वास्तुशास्त्र अध्ययन ?

२०८१ बैशाख २ गते, आईतवार

आजदेखि विद्यार्थी भर्ना अभियान सुरु

२०८१ बैशाख २ गते, आईतवार

सेतीवेणीमा दर्शनार्थीकाे भिड फाेटाे फिचर भिडियाे सहित

२०८१ बैशाख १ गते, शनिबार

गुराँससँग रमाउन र हिमाल हेर्न घोडेपानी

२०८० चैत्र ३० गते, शुक्रबार

गल्याङ महाेत्सव आजदेखि सुरु

२०८० चैत्र ३० गते, शुक्रबार

2022 Copyrights Reserved at gandakisamachar.com

Designed & Developed By:Web House Nepal