पोखरा,२८ फागुन- जिल्ला समन्वय समिति कास्कीले आर्थिक वर्ष २०७८-०७९ को कास्कीका पालिकाहरूको वित्तीय सुशासन जोखिम मूल्यांकनको नतिजा सार्वजनिक गरेको छ।
जसअनुसार अन्नपूर्ण गाउँपालिकाले ७०,रुपागाउँपलिकाले ६४.५ ,माछापुच्छ्रे गाउँपालिकाले ५४,मादी गाउँपालिकाले ५३ र पोखरा महानगरपालिकाले ४३ अंक प्राप्त गरेका छ्न। एक कार्यक्रमको आयोजना गरि सो नतिजा सार्वजनिक गरिएको हो ।
सो मुल्यांकनको कार्यबिधी अनुसार विभिन्न ११८ वटा सुचकलाई आधार बनाएर कुल १०० पूर्णाङ्कमा मुल्यांकन गर्ने गर्दछ।

सार्वजनिकिकरण कार्यक्रम लगत्तै आयोजित समिक्षा कार्यक्रममा जिल्ला समन्वय समिती कास्किका प्रमुख लिलाधर पौडेलले नेपालमा नै पहिलो पटक औपचारिक कार्यक्रम आयोजना गरेर नतिजा सार्वजनिक गरिएको भन्दै सबै क्षेत्रमा कास्कीका पालिकाहरूको कार्य सम्पादनको स्तर वृद्धिमा ध्यान केन्द्रित गर्न आग्रह गर्नुभयाे।
प्रमुख पौडेलले समृद्ध कास्कीका लागि सबै राजनीतिक दल,जनप्रतिनिधि र कर्मचारीहरूको बराबर भुमिका रहने हुँदा युद्धस्तरमा वित्तीय सुशासनका काममा खटिन आग्रह गर्नुभयाे ।
समिक्षा कार्यक्रममा गण्डकी प्रदेश प्रशिक्षण प्रतिष्ठानका कार्यकारी निर्देशक ऋषिराम पाण्डे, मुख्य मन्त्री तथा मन्त्री परिषद कार्यालय गण्डकीका उप सचिब रमेश घर्ती, प्रदेश कोष तथा लेखा नियन्त्रक कार्यालय गण्डकीका प्रमुख किशोरकुमार श्रेष्ठ,कोष तथा लेखा नियन्त्रण कार्यालय कास्की प्रमुख केशवराज ढकाल सहित कास्किका जिल्ला समन्वय अधिकारी नबराज बराल, माछापुच्छ्रे गाउँपालिकाका उप प्रमुख सीता अधिकारी लगायतले वित्तीय सुशासन बिना सुशासनको कल्पना पनि गर्न नसकिने र यसकाे लागि पालिकाका सबै शाखा र कर्मचारी सहित जनप्रतिनिधिहरूको भूमिका महत्त्वपूर्ण हुने उल्लेख गर्नुभएकाे थियाे।
कार्यक्रममा कास्किका पालिकाका जनप्रतिनिधि ,प्रमुख प्रशासकिय अधिकृत सहित सो बिषय सम्बन्धि फोकल पर्सन कर्मचारीहरूको सहभागिता रहेको थियो।