वालिङ,२७ फागुन- आगामी चैत ५ गते हुने स्वतन्त्र विद्यार्थी युनियनको निर्वाचनका लागि त्रिभुवन विश्वविद्यालय संग सम्बन्धित क्याम्पसहरुमा शनिबार विद्यार्थी संगठनहरुले आआफ्नो तर्फबाट उम्मेदवारी दर्ता गराएकाछन् ।
यसै गरी स्याङ्जा जिल्लाको मध्यभागमा रहेको देशकै जेठो सामुदायिक क्याम्पस वालिङ बहुमुखि क्याम्पसमा पनि तीन ओटा संगठनले उम्मेदवारी दर्ता गराएकाछन् ।

निर्वाचनको तालिका अनुसार निर्धारित समयमा नेविसंघ, अनेरास्ववियु र अनेरास्ववियु (क्रान्तिकारी) ले उम्मेदवारी दर्ता गराएको निर्वाचन संयोजक जगन्नाथ पंगेनीले जानकारी दिनुभयो । संयोजक पंगेनीका अनुसार अनेरास्ववियुले अध्यक्ष सहित पुरै प्यानलमा उम्मेदवारी दर्ता गराएको छ भने नेविसंघले एक सदस्यमा खालि राखेर बाकी पदमा अध्यक्ष सहितस उम्मेदवारी दर्ता गराएको छ । उता अनेरास्ववियु (क्रान्तिकारी) ले एक सदस्यमा मात्रै उम्मेदवारी दर्ता गराएको छ ।

वालिङ बहुमुखि क्याम्पसका कार्यबहाक क्याम्पस प्रमुख युवराज पाठकले चैत्र ५ गते हुने स्वतन्त्र विद्यार्थी युनियनको निर्वाचनमा एक हजार २३ विद्यार्थी मतदाताको रुपमा रहेको बताउनुभयो । २०३७ सालमा स्थापना भएको सो क्याम्पसमा ११ कक्षा देखि स्नातकोत्तर तह सम्म पढाइ हुदै आएको छ । निर्वाचनमा ११, १२ कक्षाका विद्यार्थीहरुलाई भने सहभागि नगराइएको क्याम्पस प्रशासनले जनाएको छ ।
सम्पुर्ण मतदाता विद्यार्थीहरुको फोटो सहितको मतदाता नामावली प्रकाशन गरिएकोे निर्वाचन संयोजक पंगेनीले जानकारी दिनुभयो ।
निर्वाचको लागि उम्मेदवारी दर्ता गराएका विद्यार्थी संगठनका उम्मेदवारको नामावली यस प्रकार रहेको छ ।