वालिङ,३० पुस- पुतलीबजार नगरपालिकामा रहेका किसानहरुलाई बिभिन्न जातका तरकारीको बिउ वितरण गरिएको छ ।

पुतलीबजार नगरपालिका र संयूत्त राष्ट्रिसंघीय विकास कार्यक्रम (यूयनडिपी) को आर्थिक तथा प्राविधक सहयोग एवं सूर्योदय क्लबको ब्यवस्थापनमा संचालित हरित पुनरुत्थान तथा कोभिड १९ प्रतिकार्य पहल परियोजना अन्तर्गत किसानलाई बिउ वितरण गरिएको हो । यो अभियान अन्तरर्गत एक टोल एक नर्सरी एक घर एक करेसाबारी कार्यक्रम सञ्चालनमा आएको छ ।

नगरपालिकाका १४ वडाको २ सय ८६ टोलमा करेला, घिरौला, काक्रो, गोल्भेडा, अकबरे खुर्सातीको बिउका साथै बिभिन्न जातका तरकारीको बिउका साथै पोलीब्याग र नर्सरी प्लाष्टिक वितरण गरिएको सूर्योदय क्लबले जनाएको छ ।

सूर्योदय क्लबका अध्यक्ष अनन्त कुमार श्रेष्ठले किसानलाई व्यावसायीक तरकारी खेतीबाट आत्मनिर्भर बनाउने योजना अनुसार तरकारीका बिउ विजनहरु वितरण गर्नुका साथै आवश्यक अन्य सहयोगहरु समेत गर्दै आएको बताउनुभयो ।