वालिङ,१० मङ्सिर– जनताको कामलाई सहज बनाउन नेपाल कम्युनिष्ट पार्टीले माग गरेको छ । नेपाल कम्युनिष्ट पार्टी स्याङ्जाले जनताले यो व्यवस्थाको सट्टामा नयाँ व्यवस्था अर्थात वैज्ञानिक समाजवाद चाहन्छन् भन्ने सावित भएको दावी गरेको छ । शुक्रबार एक विज्ञप्ती जारी गर्दै अहिलेको व्यवस्थाको सट्टामा नयाँ व्यवस्था अर्थात वैज्ञानिक समाजवाद चाहन्छन् भन्ने सावित भएको दावी गरेको छ ।

राज्यको करोडौं पैसा उडाएर प्रचार गरे पनि चुनाव प्रति जनताको कुनै आकर्षण सक्रीयता र सहभागिता नदेखिएको स्याङ्जा जिल्ला सेक्रेटरी दुर्गा थापाद्वारा हस्ताक्षरित विज्ञप्तीमा भनिएको छ ।

क्षेत्र नम्वर २ अन्तरगत चापाकोटका ४ वटा बुथ नेपाली कांग्रेसद्वारा कब्जा गरि एकलौटी मतदान गराइएको भनी गठबन्धन इतरका एमाले सहितका दलका उम्मेदवारहरुले निर्वाचन आयोगको कार्यालयमा उजुरी गरेपछि मतगणना हुन नसकेको हो ।

निर्वाचन कार्यालय रहेको वालिङ नगरपालिकाको गेटमा केही दिनदेखि निर्वाचनको विषयलाई लिएर नेपाली कांग्रेस र एमाले लगायतका दलहरुले दुईतर्फी धर्नामा बसेर नगरपालिकालाई बन्धक बनाएर जनताको अत्यावस्यक काममा अहसहज पैदा गराएकोले हाम्रो पार्टी यो विषयमा गम्भीर ध्यानाकर्षण गराउन चाहन्छ ।“ विज्ञप्तीमा भनिएको छ ।

छिटो भन्दा छिटो नगरपालिकालाई बन्धक र आन्दोलन रहित गराई जनताप्रति उत्तरदायी र जनताको काममा सहजता पैदा गरियोस्, विज्ञप्तीमा उल्लेख गरिएको छ ।
यही मंसिर ४ गते भएको निर्वाचनको देशभरका विभिन्न जिल्लामा मतगणनागरी परिणाम घोषणा भैरहेको छ । तर स्याङ्जा क्षेत्र नम्वर २ मा मतगणना हुन सकेको छैन ।