वालिङ,१ मङ्सिर– नेकपा एमालेका नेता एवं निर्वाचन क्षेत्र नम्बर २ ख प्रदेश सभा सदस्यका उम्मेदवार डा बुद्धिमान श्रेष्ठले समाज परिवर्तन र रुपान्तरणका लागि आफ्नो उम्मेद्वारी रहेको बताउनुभएको छ ।

क्षेत्र नम्बर २ प्रदेश सभा ख का मतदाताहरु संगको भेटघाटमा डा. श्रेष्ठले सो कुरा बताउनुभएको हो । पेशाले दन्त चिकित्सक समेत रहनुभएका एमाले नेता श्रेष्ठले आफु संग भएको खुवी र क्षमतालाई समाज परिवर्तको लागि योगदान पुर्याउने उद्देश्यले प्रदेश सभा सदस्यको रुपमा निर्वाचनमा उम्मेद्वार बनेकोले सम्पूर्ण मतदाताहरुलाई नेकपा एमालेको चुनाव चिन्ह सूर्यमा मतदान गर्न आग्रह गर्नुभयो ।

बिभिन्न माध्यमबाट सामाजिक क्षेत्रमा सक्रिय रहदै आउनभएका डा. श्रेष्ठले विकास र समृद्धिको लागि नीति निर्माणको तहमा पुग्नुपर्ने देखिएकोले आफु समाज र यस क्षेत्रले जितेको महसुस गर्न सक्ने बनाउनको लागि उम्मेद्वारी दिएर जनताको माझ्मा आएको बताउनुभयो ।

यस क्षेत्रको कृषि, पर्यटन, सडक, खानेपानीका साथै शिक्षा स्वास्थ्य र अन्य विकास निर्माणका कामहरुलाई जनचाहना अनुसार पुरा गर्नको लागि प्रतिबद्ध रहेको बताउदै यही मसिङ्र ४ गते हुने निर्वाचनमा सूर्य चिन्हमा मतदान गरेर आफुलाई विजयी गराउन आम मतदाताहरुलाई आग्रह गर्नुभएको छ ।

आफ्नो निर्वाचन क्षेत्रका मतदाताहरु संगको भेटघाटमा उम्मेद्वार श्रेष्लेठले देश विकासको योजना र खाका एमाले संग मात्रै भएकोले यहि मङ्सिर ४ गते हुन गहिरहेको निर्वाचनमा नेकपा एमालेको चुनाव चिन्ह सूर्यमा मतदान गरेर नेकपा एमालेलाई विजयी गराउन आग्रह गर्नुभयो ।