वालिङ,३ कात्तिक– नेकपा एमाले सचिव तथा स्याङ्जा क्षेत्र नम्बर २ प्रतिनिधि सभासदस्य उम्मेदवार पद्मा अर्यालले भावी पुस्तालाई सम्मुनत नेपाल हस्तान्तरण गर्ने महाअभियानमा नेकपा एमाले रहेको बताउनुभएको छ ।

एमालेको यो अभियानलाई सहयोग गर्न समेत आम नेपाली जनतालाई आवहान समेत गर्नुभएको छ । सम्मुनत नेपाल निर्माणका लागि अहिले जनताको घरघरमा पुगेको भन्दै आफ्ना मन तथा मत दिएर यो महाअभियानमा सहभागि हुन समेत अर्यालले आग्रह गर्नुभयो ।

बिहीबार वालिङ नगरपालिका वडा नम्बर ५ र ७ को विभिन्न टोलहरुमा आयोजित कार्यक्रममा बोल्दै उहाँले जनताको अभिमत दिएर विगतका वर्षमा धेरै काम भएको भन्दै केहि योजना परमादेशको सरकारले कुल्चिदिएको एमाले सचिव अर्यालको भनाइ थियो ।

मिर्दि भिमाद सडकका लागि छिटटै काम शुरु गरी राजमार्गको रुपमा विकास गर्ने समेत उहाले बताउनुभयो । कार्यक्रमा गण्डकी प्रदेशसभा क का उम्मेदवार मोहन रेग्मीले खानेपानी, सडकका योजनाहरु धेरै वर्तमान गठबन्धनको सरकार्ले काटिदिएको भन्दै यसको मुल्यांकन जनताले गर्ने बताउनुभयो ।

मिनाङकोटमा गरिएको कार्यक्रममा नेपाली कांग्रेस परित्याग गरेर डिलबहादुर गुरुङ ((थकाली) एमालेमा प्रवेश गर्नुभएको नेकपा एमाले वालिङ नगर कमिटी सचिव यमकान्त खनालले जानकारी दिनुभयो । गुरुङलाई एमाले सचिव अर्यालले एमालेमा स् स्वागत गर्नुभएको हो ।