वालिङ,३१ असोज– वालिङ नगरपालिका १२ कोखेमा आगलागीमा परेर एक भैँसी सहित ६ बाख्रा मरेकाछन् ।

शनिबार राति गोठमा एककासी आगलागी हुदा स्थानीय छिनबहादुर गुरुङको गोठमा रहेको एक लैनो भैँसी र दुई वटा माउँ बाख्रा र पाठापाठी गरी ६ बाख्रा मरेको वडा अध्यक्ष विश्वजंग गुरुङले जानकारी दिनुभयो । आगलागी रातिको समयमा भएकोले खरले छाएको गोठ पुरै जलेर नष्ट भएको समेत वडा अध्यक्ष गुरुङले बताउनुभयो । अध्यक्ष गुरुङका अनुसार आगलागीका कारण करिब ३ लाख बराबरको क्षती भएको छ ।

आगलागी भएको कोखे गाउँमा पुगेर वालिङ नगरपालिकाका नगरप्रमुख कृष्ण खाँण, वडा अध्यक्ष विश्वजंग गुरुङ, थुमपोखरा प्रहरी चौकीबाट प्रहरीको टोली लायतले घटना स्थलमा पुगेर घटनाको बारेमो अवलोकन गरेको वडा कार्यालयले जनाएको छ ।