पाल्पा,१७ भदौ– सिद्धार्थ राजमार्गको हिउँदे खोलामा बनाइएको डाइभर्सनमै पहिरो खसेपछि यातायात आवागमन फेरि ठप्प भएको छ ।

अविरल वर्षाको कारण पाल्पा बुटवल खण्डको केराबारी नजिक सडक भासिएपछि राति १० बजेबाट डाइभर्सन निर्माण सुरु गरिएको थियो ।

डाइभर्सन निर्माण सकिएलगत्तै गएराति दुई  ठाउँमा पहिरो खसेपछि सबारी आवागमन पूर्ण रुपमा ठप्प भएको छ । सडक बन्द भएपछि यात्रुहरु अलपत्र परेको जिल्ला प्रहरी कार्यालय पाल्पाका प्रवक्ता एव सूचना अधिकारी प्रहरी नायव उपरीक्षक वीरेन्द्र थापाले जानकारी दिनुभयो । प्रहरी चौकी दोभानबाट खटिएको प्रहरी टोलीले सडक डिभिजन कार्यालय पाल्पासँग समन्यवय गरी बाटो बनाउने पहल भइरहेको भए पनि अहिले निरन्तर पानी परेकाले पानी रोकिएपछि मात्रै सवारी साधन सञ्चालन गर्ने गरी काम गरिने प्रहरीले बताएको छ ।