स्याङ्जा,१६ भदौ– स्याङ्जामा पुस्तकालय दिवश मनाइएको छ । “पढौँ पढाऔँ, निरन्तर शिक्षाका लागि पुस्तकालय जाऔँ” भन्ने नाराका साथ १५ औँ पुस्तकालय दिवस जिल्लाका विभिन्न विद्यालयमा र भीरकोट नगरपालिकामा सबै कुरा छोडौँ पुस्तक पढौ कार्यक्रम गरेर मनाइएको छ ।

पुस्तकालयको माध्यमबाट पनि नानिबाबुको पठन सीप र पढ्ने बानीको विकास हुन्छ भन्ने उदेश्यका साथ राखिएको सो कार्यक्रमा सबैलाई एक एक थान पुस्तक उपलब्ध गराउनुका साथै पढ्ने समय समेत उपलब्ध गराइएको थियो । कार्यक्रममा पुस्तकको समिक्षा सुनाइएको थियो ।

कार्यक्रम स्याङ्जा जिल्लाका साक्षरता कार्यक्रम लागु भएका विद्यालयहरुमा र भीरकोट नगरपालिकामा मनाइएको थियो । रुम टु रिडले स्याङ्जा जिल्लाका ५ पालिका संग लागत साझेदारीमा ४४ विद्यालयमा साक्षरता कार्यक्रम सञ्चालन गर्दै आएकोे छ ।

जिल्लामा सूर्योदय क्लबले कार्यक्रमको व्यवस्थापन गर्दै आएको छ । साक्षरता कार्यक्रममा कक्षा १ र २ मा नेपाली पठन सीप विकासको लागि बिभिन्न प्रकारका तालिम लगायतका कार्यक्रहरु सञ्चालन गर्नुका साथै पुस्तकालय मार्फत पढ्ने वानीको प्रवर्धन गरिन्छ ।