पाल्पा,१६ भदौ– सिद्धार्थ राजभार्ग भासिदाँ पाल्पा बुटबल सड्क खण्ड अवरुद्ध बन्न पुगेको छ । अविरल वर्षाको कारण सिद्धार्थ राजमार्गको झन्डै ४० मिटर सडक भासिएको हो। पाल्पाको तिनाउ गाउँपालिका ५ हिउदेखोला स्थित सिद्धार्थ राजमार्ग आज दिउँसो ४:३० बजे भासिँदा बाटो पुर्ण रुपमा अवरोध भएको जिल्ला प्रहरी कार्यालय पाल्पाका प्रवक्ता एव. सूचना अधिकारी प्रहरी नायव उपरीक्षक वीरेन्द्र थापाले जानकारी दिनुभयो । 

सड्क अवरुद्ध हुँदा बुटवलबाट पोखरा, स्याङ्जा, गुल्मी, अर्घाखाँची, बागलुङसम्म जाने यात्रुका साथै र त्यसतर्फवाट बुटवलतर्फ जाने सवारी साधन र यात्रु बाटोमै अलपत्र छन् ।। प्रहरी चौकी दोभानबाट खटिएको प्रहरी टोलीले सडक डिभिजन कार्यालय पाल्पासँग समन्यवय गरी बाटो बनाउने पहल भइरहेको प्रहरीले बताएको छ ।