कला राना
वालिङ,२९ साउन– जिल्ला हुलाक कार्यालय स्याङ्जाले गत आर्थिक वर्षमा २१ लाख २३ हजार २४७ रुपैँया राजस्व संकलन गरेको छ । आर्थिक वर्ष २०७८÷०७९ मा हुलाक कार्यालयले उक्त राजस्व संकलन भएको हो ।

कार्यालयका प्रमुख कृष्णप्रसाद तिमिल्सिनाका अनुसार हुलाक सेवा शुल्कमा १४ लाख २३ हजार १२७, अन्य प्रशासनिक सेवा शुल्क १९ हजार ६४०, एफएम रेडियो संचालन दस्तुर १ लाख ८४ हजार २५१, प्रशासनिक दण्ड जरिवाना जफत २४ हजार ३०६, अन्य बाँडफाँड अन्र्तगत केशल टिभिको रोयल्टी तथा नविकरण ४ लाख ५७ हजार ४१२, बेरुजु फस्र्यौट १२ हजार ५ सय ९०, अन्य क्षेत्र शिर्षकमा १७ सय २० गरी २१ लाख २३ हजार २४७ रुपैँया राजस्व संकलन गरिएको हो । जिल्लामा संचालित एफएम रेडियो तथा केबल टिभिहरुले हरेक वर्षको पुस महिनामा रोयल्टी र असारमा नवीकरण गर्नुपर्ने हुन्छ ।

हुलाक शुल्क अन्र्तगत पार्सल आए बापतको ३२ हजार ४७२ र हुलाक सेवा शुल्क अन्र्तगत टिकट विक्रिबाट गत वर्षको साउनमा १ लाख १२ हजार ३३३, भदौमा १ लाख ११ हजार २२३, अशोजमा १ लाख ७ हजार ७५०, कार्तिकमा १ लाख १५ हजार ६४४, मंसिरमा १ लाख ७ हजार ६१, पुसमा १ लाख ४० हजार ७००, माघमा १ लाख २० हजार ३८५, फाल्गुनमा १ लाख ३१ हजार ५, चैत्रमा १ लाख २६ हजार ७६०, बैसाखमा ८१ हजार ४९०, जेष्ठमा १ लाख १८ हजार ६७० र असारमा १ लाख २९ हजार ६६५ रुपैँयाको टिकट विक्रि भएको कार्यालयले जनाएको छ ।