काठमाडौं,१६ साउन-नेकपा एमालेले सरकारकाे विरुद्धमा आन्दाेलन गरेकाे छ। वर्तमान सरकारले देशमा अराजकता निम्त्याएकाे बताउदै गठबन्धन सरकार भ्रष्टाचारमा लिप्त भएकाे आराेप लगाएकाे छ।
आज आयाेजित महंगी र भ्रष्टाचारको विरुद्धमा गरिएकाे कार्यक्रमलाई सम्बोधन गर्दै एमाले महासचिव शंकर पोख्रेलले अहिलेकाे सरकारले देशहितविपरीत नागरिकता विधेकय पास गरेकाे बताउनु भएकाे छ। महासचिव पाेख्रेलले सरकारले नागरिकता विधेयक पास गरेर राष्ट्रघाती काम गरेको आरोप लगाउनुभएकाे छ ।

नागरिकता विधेयकमा अङ्गीकृत नागरिकताका सम्बन्धमा छिमेकी मुलुक भारतमा रहेको व्यवस्था अनुरूप हुनुपर्नेमा सत्ता टिकाउने नाममा देशहित विपरीतको व्यवस्था गरेकोमा एमालेको आपत्ति रहेको उहाँकाे भनाइ थियाे।