स्याङ्जा,८ साउन– नेपाली कांग्रेस निकट पत्रकारहरुको संगठन नेपाल प्रेस युनियनको नवौं राष्ट्रिय महाधिवेशनबाट युनियनको अध्यक्षमा शिव लम्साल विजयी हुनुभएको छ ।
शुक्रबार देखि हेटौंडामा सुरु भएको नवौं महाधिवेशनमा स्याङ्जा स्थायी घर भएर लामो समय देखि राजधानी काठमाण्डौँमा बसेर पत्रकारिता गर्दै आएउनुभएका शिव लम्साल र अनिता विन्दुले अध्यक्षमा आ–आफ्नो प्यानल नै बनाएर चुनावि मैदानमा उत्रीनुभएको थियो ।

संस्थापन पक्षबाट अध्यक्षको उम्मेदवार बन्नुभएकी अनिता विन्दुलाई पछि पार्दै संस्थापन इतरबाट उम्मेदवार बन्नुभएका शिव लम्साल नेपाल प्रेस युनियनको अध्यक्षमा निर्वाचित हुनुभएको हो । उपाध्यक्ष, महासचिव लगायतका अधिकांस पदमा लम्साल प्यानलका उम्मेदवारहरु विजयी भएकाछन् ।