स्याङ्जा,७ साउन– हरिनास गाउँपालिका ७ मा कोइरालेमा गरिबी निवारणका लागि लघुउद्धम विकास कार्यक्रम अन्तरगत सीप विकास तालिम प्राप्त उद्यमीहरुका लागि प्रविधि हस्तान्तरण तथा प्रमाणपत्र वितरण कार्यक्रम सम्पन्न भएको छ ।
हरिनास गाउँपालिकाको आर्थिक सहयोग र संगम तालिम तथा परामर्श केन्द्र म्याग्दीको व्यवस्थापनमा सो कार्यक्रम सम्पन्न भएको हो ।

कार्यक्रमा बोल्दै गाउँपालिकाका प्रमुख प्रशासकीय अधिकृत पर्शुराम पोख्रेलले सहभागीहरुलाई तालिममा सिकेका कुरा व्यवहारमा उतार्नुपर्नेमा जोड दिनुभयो । पोख्रेलले पालिकाले उद्यमीका लागि विभिन्न कार्यक्रम ल्याएको बताउदै पालिकासंग सहकार्य गरेर काम गर्न समेत उहाँले आग्रह गर्नुभयो ।