वालिङ,२६ असार– गण्डकी प्रदेश सरकारका शिक्षा तथा सामाजिक विकास मन्त्री मेखलाल श्रेष्ठले प्रदेश सरकारद्वारा आफ्ना आमाबुबाको नाममा स्थाति ट्रस्टलाई विनियोजन गरेको एक करोड बजेट नलिने घोषणा गर्नुभएको छ । स्याङ्जाबाट प्रदेशसभा सदस्य हुदै मन्त्री बन्नुभएका श्रेष्ठले सर्वसाधारण जनताका साथै नेता एवं कार्यक्रर्ताको चौतर्फी बिरोध र दबाब पछि गण्डकी प्रदेश सरकारले विनियोजन गरेको रकम नलिने सामाजिक सञ्जाल मार्फत घोषणा गर्नुभएको हो ।
प्रदेश सरकारले श्रेष्ठका आमाबुबाको स्मृतीमा स्थापना गरिएको पुननारायण धनकुमारी श्रेष्ठ परोपकारी ट्रस्टलाई सामाजिक विकास मन्त्रालय र भौतिक पूर्वाधार विकास मन्त्रालयबाट फरक फरक शीर्षकमा ५०÷५० लाख विनियोजन गरिएको हो ।
पुननारायण धनकुमारी श्रेष्ठ परोपकारी ट्रस्टलाई शिक्षा, संस्कृति, विज्ञान प्रविधि तथा सामाजिक विकास मन्त्रालयले ५० लाख विनियोजन गरेको छ भने सोही ट्रस्टको भवन निर्माण गर्न भौतिक पूर्वाधार, सहरी विकास तथा यातायात व्यवस्था मन्त्रालयमार्फत अर्को ५० लाख विनियोजन गरिएको छ ।

सत्ताको दुरुपयोग गर्दै आफ्नै बुबाआमाको नाममा खुलेको ट्रस्टलाई बजेट विनियोजन गरेको भन्दै सर्वत्र बिरोध भएपछि शिक्षा तथा सामाजिक विकास मन्त्री मेखलाल श्रेष्ठले सो रकम नलिने र कमिकमजोरी भएमा सच्चिने मौका दिनुहोला भन्दै सामाजीक सञ्जालमा भएका टिकाटिप्णीले आफुलाई गम्भीर बनाएको समेत मन्त्री श्रेष्ठले उल्लेख गर्नुभएको छ ।

आफ्नो आमाबुबाको नाममा स्थापना भएको ट्रस्टले जिल्लामा सामाजिक क्षेत्रमा काम गर्ने उद्देश्य रहेको र नागरिक सम्मानका साथै महिला सशक्तिकरण लगायतका क्षेत्रमा काम गर्दै आएको समेत मन्त्री श्रेष्ठले आफ्नो फेसबुक स्टाटसमा उल्लेख गर्नुभएको छ । मन्त्री श्रेष्ठद्वारा लेखिएको स्टाटस यस प्रकार छ ।

सामाजिक सञ्जालमा आएका प्रतिकृयाहरु

यसैगरी गण्डकी प्रदेश सरकारले मुख्यमन्त्री कृष्णचन्द्र नेपाली पोख्रेलका बुबाको नाममा स्मृती कोष निर्माणका लागि ५० लाख बजेट विनियोजन गरेको छ । मुख्यमन्त्री नेपालीका बुबा गोवर्धन शर्माको नाममा व्यास नगरपालिका १० पोख्रेल फाटमा स्मृती कोषको निर्माण गर्न सो रकम विनियोजन गरिएको हो । सामाजिक विकास कार्यालय तनहुँ मार्फत कार्यान्वयन हुनेगरी बजेट विनियोजन गरिएको हो ।