वालिङ,५ जेठ– स्थानीय तहको निर्वाचन सम्पन्न इन मत गणना सकिए संंगै बिहीबार नवनिर्वाचित जनप्रतिनिधिहरुलाई प्रमाणपत्र प्रदान गर्नुका साथै सपथ ग्रहण कार्यक्रम सम्मपन्न भएको छ ।
वालिङ नगरपालिकामा नवनिर्वाचित जनप्रतिनिधिहरुलाई प्रमाणपत्र प्रदान एवं सपथ ग्रहण कार्यक्रम सम्मन्न गरिएको छ । वालिङ नगरपालिकाका नवनिर्वाचित प्रमुख कृष्ण खाँणले जिल्ला न्यायाधिशबाट सपथ लिए संगै वालिङ नगरपालिकामा उपप्रमुख कविता तिवारी सहित नगरका १४ ओटाका वडाका अध्यक्ष तथा सदस्यहरुलाई सपथ खुवाउनु भएको हो ।

सपथ ग्रहण गर्नु पूर्व निर्वाचन अधिकृतको कार्यालय वालिङका निर्वाचन अधिकृत उदविर नेपालीले नवनिर्वाचित जनप्रतिनिधिहरुलाई प्रमाणपत्र प्रदान गर्नुभएको थियो । कार्यक्रममा निवर्तमान नगर प्रमुख दिलीप प्रताप खाँणले कानूनका आधारमा काम गर्न आग्रह गर्नुभयो । आफ्नो कार्यकालमा नगरपालिकाले धेरै कानूनहरु बनाएको र त्यसैको आधारमा कार्य गर्न आग्रह गर्दै निवर्तमान प्रमुख खाँणले कार्य सफलताको शुभकामना व्यक्त गर्नुभयो ।

यसैगरी कार्यवाहक नगर प्रमुख समेत रहनुभएकी उप प्रमुख कल्पना तिवारीले नीति, विधि र पद्धतिका आधारमा नगरका कार्यक्रमहरुलाई अगाडि बढाउनुपर्ने बताउनुभयो । आँफ्नो पाँच वर्षे कार्यकालमा पूर्वाधार विकासका आधारशिला बनेको बताउदै तिवारीले स्मार्ट नगरको वीस वर्षे कार्य योजनालाई अगाडि बढाएर स्मार्ट वालिङको सपना साकार पार्न आग्रह गर्नुभयो । १४ वडा रहेको वालिङमा वडा वडा नम्बर १, २, ५, १०, ११ र १४ गरी ६ वडा अध्यक्षमा नेपाली कांगे्रसका उम्मेदवार विजयी भएका छन् भने वडा नम्बर ३, ४, ६, ७, ८, ९, १२, र १३ गरी ८ ओटा वडाको अध्यक्षमा नेकपा एमालका उम्मेदवार विजयी भएका छन् ।