वालिङ,२० वैशाख– नेपाली कांग्रेस परित्याग गरि वालिङ नगरपालिका वडा नम्बर ९ तरुणदलका सभापति धन बहादुर गुरुङ एमालेमा प्रवेश गर्नुभएको छ । सभापति गुरुङर्ला नेकपा एमाले केन्द्रीय सचिव पद्मा अर्यालले पार्टी प्रवेश गराउनुभएको हो । यसै गरी दलित उत्थान समिति वालिङका नगर सभापति दिनेश एस के पनि एमालेमा प्रेवश गर्नुभएको छ ।

यही वैशाख ३० गते हुने स्थानीय तहको निर्वाच नजिकिए संगै एमालेमा प्रवेश गर्ने लहनै चलेको छ । वालिङ नगरपालिका वडा नम्बर ११ मा पनि नेपाली कांग्रेस परित्याग गरेर करिब एक दर्जन कांग्रेस कार्यक्रर्ता एमालेमा प्रवेश गरेकाछन् । एमाले केन्द्रीय सचिव एवं गण्डकी प्रदेश इन्चार्ज समेत रहनुभएकी एमाले नेतृ पद्मा अर्याल, नेकपा एमाले गण्डकी प्रदेश उपाध्यक्ष मोहन रेग्मी लगायतले कांग्रेस परित्याग गरि एमालेमा प्रवेश गर्नुभएका नेता कार्यक्रतालाई स्वागत गर्नुभएको थियो ।

एमाले प्रवेश गर्नेहरुमा केदार बहादुर राना, बोधराज तिवारी, ज्ञान निधी पराजुली, नेत्र बहादुर विक, होल बहादुर विक, नीर बहादुर अर्याल, थमन बहादुर राना, चोलाकान्त कुँवर, मुक्त बहादुर थापा लगायतका रहनुभएको छ । नेपाली कांग्रेस परित्याग गरि एमाले प्रवेश गर्नेहरुलाई स्वागत गर्दै नेकपा एमाले नेत्रृ अर्यालले एमालेले मात्रै देशमा समृद्धि ल्याउने बताउदै समृद्धिको यात्रामा जोडिन सबै नेपालीलाई आग्रह गर्नुभयो । एमाले प्रवेश गर्नेहरुको अहिले देशैभर लहर चलिरहेको र एमालेको विरुद्धमा बनेको पाँच दलिय गठबन्धनलाई स्थानीय तहको निर्वाचन बाट जवाफ दिने बताउदै उच्च मनोबलका साथ निर्वाचनमा खटन समेत आग्रह गर्नुभयो । विभिन्न ठाउँमा एमाले विरुध भएका गतिविधिहरुको प्रतिवाद गर्न एमाले तयार रहेको बताउदै सत्ता र सक्तिको आडमा एमाले कार्यक्रर्ताहरु माथि आक्रमण भएको सचिव अर्यालको भनाइ थियो ।