वालिङ,१५ वैशाख– नेकपा एमाले वालिङ वडा नम्बर १० को चुनाव प्रचारप्रसार सम्पर्क कार्यालयको उद्घाटन गरिएको छ । वालिङ १० मोदिखोलामा रहेको सम्पर्क कार्यालयको नेकपा एमालेका जिल्ला कमिटी सचिव राजन्द्र डुम्रेले एक कार्यक्रमका विच उद्घाटन गर्नुभएको हो ।
कार्यालयको उद्घटन कार्यक्रममा बोल्दै सचि डुम्रेले यही वैशाख ३० गते हुने स्थानीय तहको निर्वाचनमा नेकपा एमालेका उम्मेदवारहरुलाई सबै कार्यक्रता एवं नेताहरुलाई एकजुट भएर चुनावी अभियानमा जुटन समेत आग्रह गर्नुभयो ।

“समृद्ध नेपाल सृुखि नेपाली” भन्ने नारालाई पुरा गर्न नेकपा एमालेको जित आवश्यक रहेको बताउदै सबैलाई आआफ्नो ठाउँबाट चुनावी अभियानमा लागेर एमाले उम्मेदवारलाई जिताउने कार्यमा सरिक हुन आवहान गर्नुभयो ।नेकपा एमाले उम्मेदवारको मनोनयन संगै चुनावी अभियानमा जुटेको छ । जिल्लाका पालिकाहरुमा उम्मेदवार सहितको घरदैलो अभियान समेत सुरु भएको एमालेले जनाएको छ ।