वालिङ,९ वैशाख–  आजदेखि सुरु हुने एसईई परीक्षामा स्याङ्जाबाट ४ हजार ८ सय ३७ परीक्षार्थी सहभागी हुँदैछन्।
परीक्षामा प्राविधिक शिक्षातर्फ ९६ जना र ग्रेडवृद्धितर्फ ५१ जना विद्यार्थी सहभागी हुने जिल्ला शिक्षा समन्वय अधिकारी गुरुप्रसाद पौडेलले जानकारी दिनुभयो । जिल्लामा ३५ ओटा परीक्षा केन्द्रबाट आज परीक्षा सञ्चालन हुदै छ ।

देशभरबाट परीक्षामा ५ लाख बढी परीक्षार्थीहरु सहभागी हुँदैछन् कोरोना महामारीका कारण अघिल्ला दुई वर्षसम्म लगातार हुन नसकेको परीक्षा यस वर्ष राष्ट्रिय परीक्षा बोर्डले भौतिक रुपमै सन्चालन गर्न लागेको हो । अघिल्ला वर्ष विद्यालयले गरेको आन्तरिक मूल्यांकनको आधारमा बोर्डले नतिजा सार्वजनिक गरेको थियो ।