स्याङ्जा,१६ पुस– सूर्याेदय लघुवित्त वित्तीय संस्थाको नवौं वार्षिक साधारण सभा सम्पन्न भएको छ । पुतलीबजारमा कार्यालय रहेको संस्थाको नवौं वार्षिक साधारण सभा गुणीखोलामा रहेको सहयात्री पार्टी प्यालेसमासम्पन्न भएको हो ।

साधारण सभाको उद्घाटन गर्दै संस्थाका अध्यक्ष लेखनाथ खनियाले साधारण सभाबाट प्राप्त सुझाव अनुसार संस्थालाई अगाडी वढाउने बताउनुभयो । कार्यक्रममा नेपाल पत्रकार महासंघ स्याङजाका पूर्व अध्यक्ष ओम प्रकाश शर्मा लगाएतले मन्तव्य राख्नुभएको थियो । कार्यक्रममा संस्थाका अध्यक्ष खनीयाले अध्यक्षको प्रतिवेदन र आर्थीक प्रगती प्रतिवेदन कम्पनी सचिव राजेन्द्र न्यौपानेले तथा वस्तुगत प्रगती प्रतिवेदन प्रमुख कार्यकारी अधिकृत मोक्षप्रसाद पंगेनीले प्रस्तुत गर्नुभएको थियो ।

संस्थाका अध्यक्ष लेखनाथ खनीयाको अध्यक्षतामा सम्पन्न कार्यक्रमको संचालन कम्पनी सचिव राजेन्द्र न्यौपानेल गर्नुभएको थियो भने स्वागत मन्तव्य संचालक अनन्तकुमार श्रेष्ठले राख्नुभएको थियो । कार्यक्रममा शेयर सदस्यहरुमा प्रस्तुत भएका सामान्य प्रस्ताव र विशेष प्रस्तावहरु पारित गरिएको छ । सोही साधारण सभामा संस्थाले २० प्रतिशत बोनश वितरण गर्ने तथा वोमी लघुवित्त वित्तीय संस्था सग गाभिने प्रस्ताव प्रस्तुत गरेको थियो । २०७० सालमा घ वर्गको वित्तिय संस्थाको रुपमा १० जिल्ला कार्यक्षेत्र रहने गरि इजाजतपत्र प्राप्त सूर्याेदय लघुवित्त वित्तीय संस्थाका हाल ३७ जिल्लामा १०२ शाखा रहेका छन् । संस्थाको असार मसान्त सम्ममा अधिकृत पुजी ३० करोड, जारी पुजी २७ करोड ७२ लाख र चुक्त पुजी २४ करोड ८० लाख रहेको छ ।