स्याङ्जा,१० मङ्सिर- नेपाली कांग्रेस स्याङ्जाको जिल्ला सभापतिमा राजु थापा र भगवतप्रकाश मल्लले उमेदवारी दर्ता गर्नुभएको छ । दुबै युवा उमेदवारले सभापतिमा उमेदवारी दर्ता गराए संगै थापा र मल्ल बिच कडा प्रतिस्पर्धा हुने भएको छ ।

थापाले क्षेत्र नम्बर एक बाट र मल्लले क्षेत्र नम्बर दुईबाट प्रतिनिधि चयनमा सर्वाविधक मत ल्याएकर विजयी हुनुभएको हो । आज हुने जिल्ला अधिवेशनमा सभापतिमा उमेदवारी दिएका दुवै जनाले आआफ्नो प्यानल बनाएर आगाडी बढेपछि स्याङ्जा कांग्रेसको निर्वाचनमा कडा प्रतिस्पर्धा हुने भएको हो । कांग्रेस नेता गोपालमान श्रेष्ठ पक्षबाट भागवतप्रकाश मल्लले उम्मेदवारी दिनुभएको छ भने संस्थापन इतरबाट राजु थापाको उम्मेदवारी परेको छ ।

थापा संविधान सभा सदस्य हुनुहुन्छ भने मल्ल स्याङ्जा क्षेत्र नम्बर दुई ‘ख’ बाट प्रदेश सभामा निर्वाचित गण्डकी प्रदेश सभासदस्य हुनुहुन्छ ।
थापा प्यानलबाट उपसभापतिमा केदार काफ्ले र होमप्रसाद भट्टराईले उम्मेदवारी दिनुभएको सचिवमा प्यानलबाट रामचन्द्र रेग्मी र गुरुप्रसाद भट्टराईले उम्मेदवारी दिनुभएको छ ।
मल्लको प्यानलबाट उपसभापतिमा नारायण प्रसाद पौडेल र शेरबहादुर थापाले उम्मेदवारी दिनुभएको छ सचिवमा बुद्धिप्रसाद भण्डारी र दामोदर लम्सालले उम्मेदवारी दिनुभएको छ ।