वालिङ,१८ कात्तिक– स्याङ्जामा देउसीभैलो ८ सम्म मात्रै खेल्न पाइने भएको छ । जिल्ला प्रशासन कार्यालय स्याङ्जाले एक सूचना जारी गर्दै राती ८ बजेपछि देउसीभैलो खेल्न नपाईने जनाएको छ ।
प्रमुख जिल्ला अधिकारी द्वारा जारी गरिएको आदेशमा विहान ६ देखि ८ बेलुका ८ बजेसम्म मात्रै देउसीभैलो खेल्न आग्रह गरिएको छ । प्रमुख जिल्ला अधिकारी राजुप्रसाद पौडेलले नेपालीहरुको धरोहरका रुपमा मनाईदै आईएको तिहार, छठ, ईद, नेपालसंवत लगायतका पर्वहरुलाई मर्यादित र व्यवस्थित रुपमा मनाउन आग्रह गर्दै कोभिडको संक्रमण जोखिम कायमै रहेकाले २५ जनासम्मको मात्रै समुह बनाई निश्चित समयअवधिसम्म देउसीभैलो खेल्न आग्रह गर्नुभयो ।
साथै पर्व मनाउने क्रममा अनावश्यक होहल्ला गर्ने,जुवातास खेल्ने, पटका पड्काउने, आतिजबाजीलगायतका विस्फोटक पदार्थ पड्काउने, जस्ता कार्य नगर्न नगराउन समेत जिल्ला बासीलाई अनुरोध गरिएको छ । निषेध गरिएको कार्य गरिए गराएमा कानून बमोजिम कारबाही हुने समेत आदेशमा उल्लेख गरिएको छ ।
साथै प्रशासनले दीपावली, छठ, ईदलगायतका पर्वहरु मर्यादित, व्यवस्थित र हर्सोल्लासपुर्वक मनाउन सकियोस भन्दै जिल्लाबासीहरुलाई शुभकामना व्यक्त गरेको छ ।