वालिङ,१३ कात्तिक– नेपाल टेलिभिजनको प्रस्तुति रहेको दोहोरी रियालिटी शो ‘दोहोरी च्याम्पियन’को उपाधी प्रकाश पराजुली र मीना बुढाथोकीले जितेका छन् ।

स्याङ्जाको वालिङ नगरपालिका १२ धनमुडाका प्रकाश पराजुली र दाङकी मीना बुढाथोकी आज पोखरामा एक कार्यक्रमका बिच दोहोरी च्याम्पियन घोषीत भएका हुन् ।

बालचन्द्र बराल र शोभा कार्कीको समूहलाई भोटको आधारमा पछि पार्दै प्रकाश र मीनाको समूहले उपाधि हात पारेको हो । बालचन्द्र बराल र शोभा कार्कीको समूहले दोस्रो स्थान हात पारेको छ । च्याम्पियन घोषीत भए सँगै प्रकाश र मीनाको समूहले ट्रफी, २० लाख रुपैयाँ नगद र एक करोड बराबरको जीवन बीमा प्राप्त गरेका छन् । त्यस्तै, दोस्रो हुने बालचन्द्र र शोभाको समूहले ट्रफी, १० लाख रुपैया सँगै ५० लाख बराबरको जीवन बीमा प्राप्त गरेको छ ।
प्रकाश र मीन दोहोरी च्याम्पियन भए सँगै जिल्लाका साथै प्रकाशको गाउँका स्थानीय बासिन्दा संगै आफन्त जनमहरुमा खुसियाली छाएको छ ।