वालिङ,८ कात्तिक– नेपाल कम्युनिष्ट पार्टी (एमाले) स्याङ्जाले वडा तहको अधिवेशन सम्पन्न गरेको छ । शनिबारदेखि सुरु एमाले अधिवेशनमा जिल्लाका अधिकांश पालिकाका वडाहरुमा नेतृत्व चयन गर्ने कार्य शनिबार नै सहमतिका आधारमा सम्पन्न भएपनि केही पालिकाका वडाहरुमा भने नेतृत्व चयन प्रकृया जारी रहेको अवस्थामा सोमबार बाकी रहेका चापाकोट, विरुवा र गल्याङ नगरपालिकाको केही वडामा जारी रहेको प्रकृय टुङ्गीए संगै जिल्लाका सबै वडा कमिटीको नेतृत्व चयन कार्य सम्पन्न भएको एमाले स्याङ्जाले जनाएको छ ।

जिल्लाको ९७ वटै वडामा नेतृत्व चयन भए संगै नेकपा एपालेमा नयाँ उत्साहा थपिएको छ । गाउँपालिका र नगरपालिकाको लागि चुनिएका प्रतिनिधिहरु पालिकाको नेतृत्व चयन गर्ने अभियानमा जुटेका छन् । मंगलबार नेकपा एमालेले देशैभर एकै साथ पालिकाको नेतृत्व चयन गर्दै छ ।