स्याङ्जा,६ कात्तिक– नेकपा (एमाले)ले आज शनिबार मुलुकभर वडास्तरका अधिवेशन सम्पन्न गर्दैछ । एममालेको आसन्न दशौँ राष्ट्रिय महाधिवेशनअन्तर्गत आज वडा अधिवेशन र कात्तिक ९ गते पालिका अधिवेशन हुने एमालेले जनाएको छ ।

आज हुने वडा अधिवेशनको एमाले अध्यक्ष एवं पूर्व प्रधानमन्त्रीकेपी शर्मा ओलीले भर्चुअल माध्यमबाट उद्घाटन गर्ने कार्यक्रम रहकोछ । बाढीपहिरोबाट प्रभावित जिल्लामा भने आज वडा अधिवेशन हुने छैन । एमालेको १०औँ महाधिवेशन १० देखि १२ मंसिरमा चितवनमा सम्मन्न गर्ने समेत तयारी भइरहेको छ ।

एमाले स्थायी कमिटी बैठकले रामबहादुर थापा ‘बादल’को संयोजकत्वमा गठित २१ सदस्यीय १०औँ महाधिवेशन मूल व्यवस्थापन समिति गठन गरेको छ । बैठकले राष्ट्रिय महाधिवेशनका प्रतिनिधि चयनका लागि २०७७ चैत मसान्तसम्म सदस्य बनेका र नवीकरण गरेका सदस्यहरू योग्य रहने निर्णय गरेको प्रवक्ता प्रदीप ज्ञवालीले जानकारी दिनुभयो ।
यसै बिच नेकपा एमाले स्याङ्जाले जिल्लाका ९७ वटै वडामा केन्द्रको सर्कुलर अनुसार आज वडा अधिवेशन हुने जनाएको छ ।