वालिङ,११ असोज– नेपाली कांग्रेसको वालिङ नगर सभापतिमा नेत्र प्रसाद पाण्डे विजयी हुनुभएको छ । कांग्रेसको १४औं महाधिवेशन अन्तर्गत वालिङमा आइतबार भएको निर्वाचनमा पाण्डे अर्का प्रतिस्प्रधी भुपराज बगालेलाई भारी मतले पछि पार्दै विजयी हुनुभएको हो ।
शनिबारको लागि निर्वाचनको मिति तोकिएको भएपनि सहमतिको लागि भन्दै सो दिन निर्वाचन स्थगित गरेर उमेदवारहरुको विचमा सहमतिको प्रयास गरिएको थियो । अन्तिम समय सम्म सहमति हुन नसकेपछि आइतबार भएको निर्वाचन सकिए लगतै पत गणना सुरु भएको थियो राति अबेर सम्पन्न मतगणनामा पाण्डेले २ सय ४९ मत प्राप्त गरी विजयी हुनुभएको हो पाण्डेका प्रतिस्प्रधि बगालेले १ सय ९० मत प्राप्त गर्नुभएको छ ।

यसै गरी उपसभापतिमा सीता थापा, पदम गुरुङ विजयी हुनुभएको छ भने सचिवमा राजु तिवारी र सागर कुवँर विजयी हुनुभएको छ । वालिङमा सम्पन्न कांग्रेसको चुनावले संसदिय निर्वाचनको झल्को दिएको छ । दुई प्यानल बनाएर चुनावी मैदानमा उत्रीएका कांग्रेस नेताहरु आआफ्नो पक्षमा मतदान गर्न प्रचारप्रसार गरेका थिए । स्याङजामा नेपाली कांग्रेसका पूर्व उपसभापति समेत रहनुभएका गोपालमान श्रेष्ठ पक्ष कांग्रेसको स्थानीय निर्वाचनमा निकै कम्जोर देखिएको छ । संस्थापन पक्षलाई कमजोर पार्दै कांग्रेस वरिष्ठ नेता रामचन्द्र पौडेल पक्षले १४ औं महाधिवेशनमा जिल्लामा आफ्नो दहरो उपस्थिती देखाएको छ ।