वालिङ,१० असोज–  नेपाली कांग्रेसले १४औं महाधिवेशन अन्तर्गत भएका पालिकास्तरीय अधिकांश पालिकाका अधिवेशन सम्पन्न गरेको छ । देशभरका ६४ जिल्लामा गरिएका पालिकाका अधिवेशन धेरै स्थानमा सर्वसम्मत भएका छन् भने केही पालिका र वडाहरुमा चुनावी प्रकृयाबाट नयाँ समिति निर्वाचित भएका छन् । वालिङमा आज भएको निर्वाचनको मत गणना जारिरहेको छ ।

कांग्रेसको क्रियाशील सदस्यता विवादका कारण १३ जिल्लाका वडा अधिवेशन भने हुन सकेका छैनन् । प्रदेश नम्बर २ का आठ जिल्ला र रुपन्देही, कैलाली, रसुवा, डोल्पा, सुर्खेतमा क्रियाशील सदस्यता विवरण प्राप्त नहुँदा अधिवेशन प्रक्रिया अगाडि बढेको छैन ।

सदस्यता विवादबारे कांग्रेस पदाधिकारी र पूर्व पदाधिकारीको शुक्रबार बसेको बैठकले चाँडै विवाद टुङ्ग्याउने सहमति गरेपनि अभैmसम्म समाधान हुन सकेको छैन ।

कांग्रेसका नेता कार्यकर्ता वडादेखि नै आ–आप्mना प्यानल बनाएर निर्वाचनमा उत्रिए । सभापति शेरबहादुर देउवा र रामचन्द्र–कोइराला प्यानल बनाएर नेता कार्यकर्ताहरु चुनावमा उत्रिएका हुन् । यसैक्रममा स्याङ्जाका ६ गाउँपालिका र ५ नगरपालिका गरी ११ वटा पालिकामा दुई समूहले प्यानलै बनाएर निर्वाचनमा उत्रिएका हुन् । स्याङ्जाको चापाकोट नगरपालिका बाहेक सबै पालिकाहरुमा सहमति जुट्न नसकेपछि निर्वाचन प्रकृयामा गएका हुन् ।

अर्जुन चौपारी, बिरुवा, आँधिखोला गाउँपालिकामा दुवै पक्षका बराबरीकै हाराहारीमा निर्वाचित भएका छन् भने पुतली बजार नगरपालिका, भीरकोट नगरपालिका, गल्याङ र चापाकोट नगरपालिका तथा फेदिखोला गाउँपालिकामा संस्थापन इतर पक्षको बाहुल्यता रहेको छ । यसैगरी वालिङ नगरपालिका र कालिगण्डकी गाउँपालिकामा भने आइतबार निर्वाचन भएको छ । पालिका स्तरीय अधिवेशनमा कांग्रेसका नेता कार्यकर्ता संसदीय निर्वाचनको झल्को दिने गरी मैदान उत्रिएका थिए । वालिङमा भएको निर्वाचनको मत गणना जारि रहेको छ ।