वालिङ,१० असोज– नेपाली काँग्रेसको १४ औँ महाधिवेशनअन्तर्गत शनिबारदेखि गाउँ÷नगर अधिवेशन सुरु भएको छ । शनिबार भएको नेपाली कांग्रेस गल्याङको निर्वाचनमा श्याम बस्याल गल्याङ नगर सभापतिमा विजयी हुनुभएको छ । 

शनिबार सम्पन्न भएको निर्वाचनमा बस्याल १८२ मत प्राप्त गरी विजयी हुनुभएको हो । बस्यालका प्रतिस्पिर्धी हरि खनालले ६७ मत प्राप्त गर्नु भएको छ ।

यस्तै उपसभापतिमा भेक प्रसाद श्रेष्ठ १४० र प्रेम बहादुर गुरुङले २०७ मत प्राप्त गरी विजयी हुनु भएको छ, भने सचिवमा खगेन्द्र भण्डारी १७५ र कृष्ण प्रसाद भट्टराई १६६ मत प्राप्त गरी विजयी हुनु भएको छ । २५३ मत खसेकोमा ४ मत बदर भएको थियो ।

वालिङ नगरपालिका र कालीगण्डकी गाउँपालिकामाा भने उमेदवारहरु विच सहमतीको पहल गर्ने भन्दै शनिबार निर्वाचन स्थगित गरेर सहमतिको पहल भइरहेको छ । सहमती हुन नसके आज निर्वाचन हुने नेपाली कांग्रेसले जनाएको छ ।