वालिङ,९ असोज– नेपाली काँग्रेसको १४ औँ महाधिवेशनअन्तर्गत आजदेखि गाउँ÷नगर अधिवेशनमा जिल्लामा आज भएको निर्वाचनमा भीरकोट नगरपालिकाको नगर सभापतिमा याम प्रसाद अधिकारी (लक्ष्मण) विजयी हुनुभएको छ ।

आज सम्पन्न भएको निर्वाचनमा १०० मत प्राप्त गरी अधिकारी विजयी हुनुभएको हो । अधिकारीका प्रतिस्पिर्धी दिपेन्द्र केसीले ९९ मत प्राप्त गर्नु भएको छ ।
दुई सय चार मतादाता रहेको भीरकोट नगरपालिकामा सबै मत खसेको थियो छ भने पाँच मत बदर भएको छ । त्यस्तै उपसभापतिमा बिष्णुमाया काफ्ले ९२ र जगदिश प्रसाद कोईराला १०४ मत ल्याई बिजयी हुनु भएको छ । त्यस्तै सचिवमा नन्दलाल खनाल ११२, तारा प्रसाद अर्याल ११८ तथा सहसचिव प्रसुन मगर ११४, शुसिल खाँण ९१ निर्वाचित भएको नेपाली कांग्रेसले जनाएको छ ।

यसै गरी चापाकोट नगर सभापतिमा विक्रम बहादुर सारु निर्विरोध निर्वाचित हुनुभएको छ भने अर्जुनचौपारी गाउँपालिकाको सभापतिमा विष्णु काफ्ले निर्वाचित हुनुभएको छ । आँधीखोला गाउँपालिका सभापतिमा नरेन्द्र पौडेल,  पुतलीबजार नगरपालिकाको सभापतिमा सुरजकुमार अधिकारी, बिरुवा गाँउपालिकाको सभापतिमा डोलराज पोख्रेल, फेदीखोला गाँउपालिकाको सभापतिमा महेन्द्र थापा र हरिनासको सभापतिमा टोप बहादुर भुजेल टोपा निर्वाचित हुनु भएको छ ।