सम्पादकीय……

नेपाली जनताको लामो संर्घष र बलिदानीबाट नेपाली जनताले आफैले छानेका जनप्रतिनिधिले बनाएको संविधान प्राप्त गरे यो हामी नेपालीका लागि खुसीको कुरा हो।
२०७२ साल असोज ३ गते संविधान सभाबाट “नेपालको संविधान” जारी भयो त्यती बेला जनतामादेखिएको खुसी र उत्साह विस्तारै निराशामा परिणत हुदै गएको छ । यो आम नेपाली जनताको लागि दूःखद कुरा हो।

संविधान अर्थात देशको मूल कानून नै देश (राज्य) सञ्चालन गर्ने एउटा बाटो र आधार हो, तर यो बाटो र आधारलाई नै दलहरुले आफू अनुकूल घुमाउनुका साथै थिचोमिचो गर्न खोज्दा जनतामा नैराश्यता बढ्दै जान थालेको हो।

लामो संघर्ष र बलिदानीबाट आफूलाई स्थापित गर्न सफल नेपालका राजनीतिक दलहरुले आफूलाई क्षणिक फाइदा हुने बाटोमा लागेर देशको मूल कानूनलाई प्रभावित पार्ने दिशामा लाग्नुभन्दा देशको स्वाभिमानलाई उचो बनाउने बाटोमा लाग्नुपर्छ । यस मै नेपाली जनता नेपाल देश र राजनीतिक दलहरुको भविष्य चिरस्थायी हुनेछ।

न्याय मूर्तीको जिम्मेवारी लिएर बसेका न्याय मूर्तीहरुबाट पनि ‘जो होचो उस्कै मुखमा घोचो’ हुनेछैन । दबाब र प्रभावबाट होइन न्यायको सिद्धान्तमा आधारित भएर न्याय सम्पादन होस। संविधान दिवसको हाम्रो पनि शुभकामना