वालिङ,१२ भदौ–वालिङमा दुई दिने खोज पत्रकारिता सम्बन्धी तालिम सम्पन्न भएको छ । वालिङ नगरपालिका, शेयरकास्ट इनिसियटिभ नेपाल र एनइडीको आयोजना तथा नेपाल पत्रकार महासंघ स्याङ्जाको समन्वयमा दुई दिने खोजमूलक पत्रकारितासम्बन्धी अभिमुखीकरण कार्यक्रम सम्पन्न भएको हो ।
जिल्लामा कृयाशिल पत्रकारहरुको सहभागिता रहेको तालिममा नेपाल पत्रकार महासंघका पूर्व केन्द्रीय अध्यक्ष शिव गाउले र मधु आचार्यले सहजीकरण गर्नुभएको थियो ।
पत्रकार गाउलेले खोज पत्रकारिता कसरी गर्ने भन्ने विषयमा सहजीकरण गर्नुभएको थियो । पत्रकारहरुलाई खोजमूलक पत्रकारितामा थप सशक्त बनाउन पत्रकार महासंघ स्याङ्जाको समन्वयमा दुई दिने तालिम सञ्चालन गरिएको महासंघका अध्यक्ष श्रीकृष्ण सिग्देलले बताउनुभयो ।
महासंघका निर्वतमान अध्यक्ष ओमप्रकाश शर्माले तालिमले व्यवसायिक पत्रकारिताका क्षेत्रमा लाग्ने पत्रकारहरुलाई उर्जा प्रदान गरेको बताउदै तालिम निकै फलदायी रहेको धारणा व्यक्त गर्नुभयो ।