काठमाडौं,१० भदौ– जनवादी गायक जेबी टुहुरेको निधन भएको छ । टुहुरेको ७८ वर्षको उमेरमा बयोधा अस्पतालमा उपचारका क्रममा आज निधन भएको हो ।

१ भदौमा कलंकीस्थित घरमा पक्षघात भएर लडेपछि उहाँलाई परिवारका सदस्यले तत्काल अस्पताल पुर्‍याएका थिए । मुटु, फोक्सो, महुमेह र उच्च रत्तचाप लगायतका दीर्घरोग बाट समेत ग्रसित हुनुभएका टुहुरेको उपचारका क्रममा आज निधन भएको हो ।

जनसांस्कृतिक महासंघका निवर्तमान अध्यक्ष सरल सहयात्रीका अनुसार दोस्रो संविधानसभा सदस्य समेत हुनुभएका टुहुरेको पार्थिव शरीर अन्तिम श्रद्धान्जलीका लागि दिउँसो पार्टी कार्यालय पेरिसडाँडामा राखिने र आज नै पशुपति आर्यघाटमा अन्त्येष्टि गरिने बताइएको छ