वालिङ,७ भदौ– प्रहरीले दुई युवालाई पक्राउ गरेको छ । वालिङ नगरपालिका ८ का १९ वर्षीय गोले भन्ने (नरेन्द्र) रनपाल र तनहुँ जिल्ला ब्यास नगरपालिका १४ का २७ वर्षीय शिव परियारलाई वडा प्रहरी कार्यालय वालिङबाट खटिएको प्रहरीको टोलीले पक्राउ गरेको हो ।

रनपाललाई गोप्य सूचनाको आधारमा पक्रा उगरिएको र परियारलाई वालिङ ६ मिर्दीमा संका लागेर चेक जाच गर्ने क्रममा परियारको साथबाट लागुऔषध फेला परेको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो छ ।

पक्राउ परेका युवाको साथबाट डाईजेपाम, एम्पुल,नोफिम, एम्पुल र फेनारेगन, एम्पुल, सुकेको गाँजा फेला परेको र उनीहरुलाई लागुऔषध सम्बन्धी मुद्धा दर्ता गरी जिल्ला अदालतबाट रनपाललाई १५ दिन र परियारलाई १० दिनको म्याद थप गरेर अनुसन्धान भइरहेको जिल्ला प्रहरी कार्यालय स्याङ्जाले जनाएको छ ।