सुनिल न्यौपाने

चापाकोट,३१ साउन – नसा सम्बन्धी रोगले विगत ३  वर्षदेखि बिरामी भई विस्तारामा पर्नुभएका चापाकोट नगरपालिका २ स्वामिभन्ज्याङका गुणनिधी आचार्यलाई स्याङ्जा सहयोग समाज अन्तरास्ट्रिय समन्वय समितीले आर्थिक सहयोग गरेको छ।

स्याङ्जा सहयोग समाज कतारका पुर्व अध्यक्ष तथा  सल्लाहकार रामु बस्यालको उपस्थिती तथा स्याङ्जा सहयोग समाज युएई सास्कृतिक विभाग प्रमुख प्रकाश ढकालको संयोजकत्वमा ११ हजार रुपैयाँ प्रदान गरिएको छ।

आचार्यको उपचारका लागि थप सहयोग गर्ने ढकालले बताउनुभयो। केन्द्र सरकारले बिपन्न तथा ज्येष्ठ नागरिकलाई निःशुल्क उपचारको व्यवस्था गरेको भन्ने सुन्नमा आएपनि दूरदराजका ज्येष्ठ नागरिकले भने उक्त सेवा अझै लिन नसकेको पीडित आचार्यले गुनासो गर्नुभयो। तीन छोरी र श्रीमतीका अभिभावक आचार्य विगत ३ वर्षयता खुट्टा नचल्ने र कम्मरमुनिको भागमा अत्यधिक पिडा हुने लगायतका समस्याले ग्रसित भएपनि उपचार नपाउँदा कष्टकर जीवन बिताउन बिवश हुनुहुन्छ ।

छोराछोरीको पालनपोषणका लागि आचार्यकी श्रीमतीले कठोर संघर्ष गरिरहनुभएको छ । आफू शारीरिकरूपमा अशक्त भएका कारण चाहेर पनि छोरीहरु साथै श्रीमतीको अभिभावक बन्न नसकेकोआचार्यले बताउनुभयो।