फाइल तस्वीरः

पाल्पा,३० साउन – भरुवा बन्दुकले स्याललाई मार्ने क्रममा बन्दुकको छर्रा लागेर रिब्दीकोट गाउँपालिका ६ का ३५ वर्षका वर्षीय धनबहादुर लम्तरीको मृत्यु भएको प्रहरीले जनाएको छ । ५६ वर्षीय कर्णबहादुर लम्तरीले घर नजिकैको बारीमा स्याललाई मार्ने क्रममा भरुवा बन्दुकको छर्राले लागेर आफ्नै छोरा धनबहादुर लम्तरीको मृत्यु भएको जिल्ला प्रहरी कार्यालय पाल्पाले जनाएको छ ।

शुक्रबार साँझ ६ घरदेखि एक सय मिटर परको जङ्गलमा स्याल मार्ने क्रममा एक्कासी बन्दुकका छर्रा धनबहादुरको टाउकोमा लागेको प्रहरीले जनाएको छ । कर्णबहादुरलाई प्रहरीले नियन्त्रणमा लिएर थप अनुसन्धान कार्य अगाडि बढाएको जिल्ला प्रहरी कार्यालय पाल्पाका प्रहरी नायब उपरीक्षक रामेश्वर त्वातीले बताउनुभयो ।

घटना बारे थप अनुसन्धान भइरहेको प्रहरीले जनाएको छ ।