पोखरा,२३ साउन– पोखरा महानगरपालिका ११ तुलसीघाटमा सरसफाई कार्यक्रम सप्पन्न भएको छ । पोखरा वाटर ट्याङ्कको संयोजनमा भएको सरसफाई अभियानमा पोखराका विभिन्न समाजसेबीहरु सहभागिता रहेको थियो ।

पोखरा वाटर ट्याङ्का संचालक समाजसेबी ओम गुरुङले सबै संगठित भएर लागेमा समाजलाई राम्रो संग अगाडि बडाउन सकिने बताउनुभयो ।
पोखराको मुटुको रुपमा रहेको चिप्लेढुङामा अलि बढी नै फोहोर हुँदै गएकोले आगामी शनिबार सरसपाई गर्ने कार्यक्रम रहेको बताउनुभयो ।

तुलसिघाट निर्माण समितिका अध्यक्ष प्रेम कर्मचार्यले निर्माण भएका संरचनाको सुरक्षा गर्नु सबैको दायीत्व भएको बताउनुभयो । जति संरचनाहरुको निर्माण गरिए पनि स्थानीय बासिन्दाको संरक्षण र सुरक्षा नभएमा त्यो टिकाउ नहुने भएकाले सबै मिलेर संरक्षण गर्नुपर्ने बताउनुभयो ।