पोखरा,८ साउन– नेपाल फर्निचर तथा फर्निसिङ्ग ब्यावसायी महासंघको सार्तौ स्थापना दिवशको अवसर पारेर ब्यावसायीहरुले वृक्षारोपण गर्नुका साथै खाद्यान्न वितरण कार्यक्रम सम्पन्न गरेकाछन् ।
नेपाल फर्निचर तथा फर्निसिङ्ग ब्यावसायी महासंघ र फर्निचर तथा फर्निसिङ ब्यावसायी संघ कास्कीको संयुक्त आयोजनामा कार्यक्रम गरिएको हो ।
महासंघको स्थापना दिवशको अवसरपारेर पोखरा बृद्धाआश्रममा खाद्यान्न वितरण गरिरएको हो । ब्यावसायीहरुले आश्रममा चामल, दाल लगायतका खाद्यसामग्री हस्तान्तरण गरेका थिए यसै गरी संघले सितापाईला महतगौडामा रहेको हरिहर शिव मन्दीरमा वृक्षारोपण कार्यक्रम समेत गरिएको नेपाल फर्निचर तथा फर्निसिङ्ग ब्यावसायी महासंघले जनाएको छ । कार्यक्रममा महासंघका पदाधिकारीका साथै बिभिन्न संघ संस्थाका प्रतिनिधीहरुको सहभागिता रहेको थियो ।

कोरोना संक्रमणको समयमा आश्रममा थोरै भएपनि सहयोग पुगोस भनेर खाद्यान्न हयोग गरिएको ब्यावसायीले जनाएकाछन् । वातावरण संरक्षणमा सहयोग पुगोस भनेर संघको स्थापना दिवशको अवसरमा वृक्षारोपण कार्यक्रम गरिएको फर्निचर तथा फर्निसिङ ब्यावसायी संघ कास्कीका जिल्ला अध्यक्ष जिबलाल बस्यालले बताउनुभयो ।