हरि अधिकारी
गल्याङ,२७ असार– गल्याङ नगरपालिका ७ पटकाङ्का २५ बर्षिय मृगौला पीडित होमबहादुर थापालाई आज सहयोग रकम हस्तान्तरण गरिएको छ । होमबहादुर थापा बचाउ अभियानमार्फत संकलन संकलन गरिएको ९ लाख ११ हजार १ सय २८ रुपैयाको चेक गल्याङ नगरपालिका प्रमुख भुपराज अधिकारीले थापाको परिवारलाई हस्तान्तरण गर्नुभएको हो ।

सामाजिक संजाल मार्फत थापाको उपचारमा सहयोग पर्याउने उद्देश्यले असार १ गते देखि सहयोग रकम संकलन अभियान सञ्चालन गरिएको थियो । विश्वभर छरिएर रहेका नेपालीले अभियानमा सहयोग पुर्याएकाछनन् । संकलित सहयोग रकम मध्ये दक्षीण कोरियाबाट रमेश अधिकारी लगायतको नेतृत्वमा ३ लाख ६२ हजार ३ सय ७५ र अन्य मुलुकबाट संयोजक शिव अधिकारी लगायतको पहलमा कुल ५ लाख ४८ हजार ७ सय ५३ रुपैयाँ संकलन गरिएको थियो ।
होमबहादुर थापा बचाउ अभियानका संयोजक शिव अधिकारीले रु २० हजार सहयोग दिएर सुरु गरिएको अभियान छोटो समयमै ९ लाख भन्दा माथी उठेको थियो ।
रकम हस्तान्तरण गर्दै नगरप्रमुख भुपराज अधिकारीले यो एउटा उदाहरणीय काम भएको र सहयोग गर्ने सहयोगी मनहरुलाई धन्यवाद समेत दिनुभयो । मृगौला पीडित होमबहादुर थापालाई थप उपचारको लागि पहल गर्ने बताउनुभयो ।
रकम संकलन अभियान कर्ता शिव अधिकारी र हरि अधिकारी उठेको रकम सहि तरिकाले बिरामीको उपचारमा सदुपयोग हुने कुरामा विश्वस्थ तुल्याउदै सहयोगी हातहरुलाई धन्यवाद दिनुभयो ।