स्याङ्जा,१९ असार– गण्डकी प्रदेशका मुख्य मन्त्री कृष्ण चन्द्र नेपाली (पोखरेल) ले गण्डकी प्रदेश सरकारको पहिलो प्राथमिकता स्वास्थ्य भएको बताउनुभएको छ । मुख्यमन्त्री पोखरेलले गण्डकी प्रदेशमा रोगका कारण त्यसै कोही पनि मर्न नपर्ने बताउनुभएको छ ।
आँधीखोला गाउँपालिका ५ सेतिदोभानमा आँधीखोला सामुदायिक अस्पतालको शिलन्यास गर्दै मुख्यमन्त्री पोखरेलले सो कुरा बताउनुभएको हो ।
मुख्यमन्त्री पोखरेलले गण्डकी प्रदेशमा नयाँ सरकार गठन भएपछि पहिलो निर्णय नै महिलाको स्तन क्यान्सर, पाठेघरको क्यान्सरको निशुल्क उपचार गर्ने प्रदेश सरकारले निर्णण गरेको बताउदैे दुर्गम क्षेत्रका बिरामीलाई निशुल्क अस्पताल पु¥याइने कार्यक्रम रहेको बताउनुभयो । उहाँले महामारीको रुपमा फैलिएको कोरोनाले ठुलो क्षति पु¥याएको बताउदै प्रदेश सरकारले चाडो भन्दा चाडो निशुल्क खोप दिने समेत बताउनुभयो ।
प्रदेश सरकारले कोरोनाबाट मृत्यु भएका परिवारलाई राहतका साथै ६५ वर्ष भन्दा माथीका जेष्ठ नागरिकलाई निशुल्क उपचारको ब्यवस्था गर्ने मुख्यमन्त्री पोखरेलको भनाई थियो ।

मृगौला, क्यान्सर र मुटु रोगीको जिल्लामै उपचार गर्ने गरी २५ देखि ५० शैयाको अस्प्ताल बनाउने तयारी प्रदेश सरकारले गरेको बताउदै मुख्यमन्त्री पोखरेलले भीरकोट अस्पतालाई ट्रमा सेन्टर बनाउन बजेट विनियोजन गरेको बताउनुभयो । रोग सबैको साझा सत्रु भएकोले सबै एक भएर लड्नुपर्ने मुख्यमन्त्री पोखरेलको भनाई थियो । यस अघिको सरकारले गरेका राम्रा कामलाई प्राथमिकतामा राखेर काम गर्ने उहाँले बताउनुभयो । ११ रोपनी जमीनमा सात करोड ६१ लखको लगानीमा निर्माण हुन लागेको अस्पताल १५ शैयाको हुने छ ।