स्याङ्जा,७ असार– कालीगण्डकी गाउँपालिका ५ बास्टारी स्थित कालीगण्डकी नदीको किनारमा एक पुरुषको लाश भेटिएको छ । नदीको किनार (बगर)मा सोमबार सडेको अवस्थामा भेटिएको पुरुषको लाशको पहिचान गर्न नसकिएको जिल्ला प्रहरी कार्यालय स्याङ्जाले जनाएको छ ।
सडेर किरा परेको अवस्थामा भेटिएको सो लाशको बारेमा पहिचान हुन नसकेको र सडेको अवस्थामा भएकोले पोस्टमार्टम गर्न समेत नमिल्ने अवस्थामा रहेकोले स्थानीय जनप्रतिनिधीको रोहबारमा कालीगण्डकीको किनारमा सत्गत गरिएको र शवका बारेमा अनुसन्धान प्रकृया अगाडी बढाइएको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो । नदीको किनारको बगरमा लाश देखेपछि स्थानीय बासिन्दाले प्रहरीलाई खबर गरेका थिए ।