वालिङ,२८ जेठ– रोटरी क्लब वालिङले गह्रौँ प्राथामिक अस्पताललाई स्वास्थ्य सामग्री हस्तान्तरण गरेको छ । रोटरी क्लब वालिङ र रोटरी क्लब हिमालयन गोर्खाले अस्पताललाई स्वास्थ्य सामाग्री हस्तान्तरण गरेको हो ।

क्लबलले अस्पताललाई ५ थान अक्सिजन सिलिण्डर, ५ थान अक्सिजन फ्लो मिटर, १० थान अक्सिजन नोजल, अक्सिजन हाई माक्स, ग्लोप्स, सर्जिकल मास्क, पिपिई लगायतका स्वास्थ्य सामग्री हस्तान्तरण गरिएको क्लबका पुर्व अध्यक्ष राजेन्द्र डुम्रेले जानकारी दिनुभयो ।

कोरोना संक्रमण बढ्दै गएको अवस्थामा अस्पतालमा कार्यरत स्वास्थ्य कर्मीका साथै विरामीको उपचारमा सहयोग पुर्याउने उद्देश्यले स्वास्थ्य सामग्री हस्तान्तरण गरिएको क्लबका अध्यक्ष सोमु रानाले बताउनुभयो बताउनुभयो । क्लबले बिभिन्न समयमा विद्यालयका साथै सामाजिक संघ संस्थालाई बिभिन्न प्रकारका सामग्रीहरु सहयोग गर्नुका साथै जनचेतनामुलक कार्यक्रमहरु सञ्चालन गर्दै आएको छ ।