वालिङ,१३ वैशाख– कोरोना भाइरसको संक्रमणका कारण एक पुरुषको मृत्यु भए संगै वालिङ नगरपालिका १२ नम्बर वडा बन्द गरिएको छ । सोमबार वडा कार्यालयले एक सूचना प्रकाशित गर्दै वडा भित्रका सबै विद्यालयका साथै धार्मीक स्थलहरु बन्द रहनुका साथै वडा भित्र अत्यावश्क बाहेकका अन्य सवारीसादन समेत सञ्चालन नर्गन सूचना मार्फत जानकारी गराएको छ ।
वडा नम्बर १२ बस्ने ५८ वर्षीय पुरुषको उपचारका क्रममा लुम्बीनी मेडिकल कलेज प्रवास पाल्पामा वैशाख ११ गते उपचारका क्रममा मृत्यु भएकोले यही १४ गते देखि अर्को सूचना नभए सम्मको लागि अत्यावश्क बाहेकका सेवा सञ्चालन नगरिदिनुहुन वडा अध्यक्ष दान बहादुर गुरुङ द्वार हस्ताक्षरीत सूचनामा उल्लेख गरिएको छ ।
वडा सचिव बुद्धिराम बुढाले कोरोना संक्रमणका कारण एक पुरुषको मृत्यु भए संगै गाउँमा त्रास फैलीएकोले मृतक संग सम्पर्कमा आएकाहरुको स्वास्थ्य परिक्षण गर्ने कार्य सुरु गरिएको बताउदै अहिलेको संवेदशिल अवस्थामा सबैले सचेतता अपनाउन समेत वडा बासिलाई आग्रह गर्नुभएको छ ।