स्याङ्जा,५ फागुन–आँधीखोला गाउँपालिका ४ बाङसिङमा सुबिधासम्पन्न स्वास्थ्य चौकी भवनको शिलान्यास गरिएको छ । आँधीखोला गाउँपालिका अध्यक्ष सुधिर कुमार पौडेलले बुधबार एक कार्यक्रमका विच स्वास्थ्य चौकी भवनको शिलान्यास गर्नुभएको हो । लामो समयको प्रतीक्षापछि वडामा स्वास्थ्य चौकी भवन निर्माणको शिलान्यास भएपछि स्थानीय बासिमा खुसी छाएको छ ।

भवन शिलान्यासका बोल्दै गाउँपालिकाका अध्यक्ष पौडेलले भन्नुभयो, ‘जनताका आधारभूत आवश्यकता अन्तरगतको स्वास्थ्य क्षेत्रमा हज तरिकाले सेवासुविधा दिनुपर्छ भनेर गाउँपालिका लागि परेको छ । हामी यो सेवा प्रदान गर्नको लागि कुनै कसर बाकी राख्दैनौ । ’
अहिले वडामा जनसक्ति भएपनि भौतिक पूर्वाधार र उपकरण नुहुँदा स्थानीय बासिन्दा स्वास्थ्यमा समस्या देखिना साथ जिल्ला सदरमुकामका साथै पोखरा जानुपर्ने बाध्यता छ, यो छिट्टै हटेर अब आफ्नै ठाउँमा सेवा लिन पाईने गाउँपालिका अध्यक्ष पौडेलले बताउनुभयो ।

भवन निर्माणका लागि रु १ करोड ५७ लाखमा सुन्दर निर्माण सेवा देउराली ४ कास्कीले निर्माण कार्यको जिम्मा लिएको गाउँपालिका कार्यालयले जनाएको छ । निर्माण कम्पनीसँग २०७७ माघमा सम्झौता भएको र यसै आर्थिक वर्षको अन्त्य सम्म पूर्ण रूपमा सम्पन्न हुने गाउँपालिकाका इन्जिनियर प्रकाश पौडेलले बताउनुभयो ।