स्याङ्जा,२५ माघ– तास खेल्दै गरेको अवस्थामा प्रहरीले ७ जनालाई पक्राउ गरेको छ । पुतलीबजार नगरपालिका
४ नागडाँडा स्थित निरन्जन श्रेष्ठले सञ्चालन गर्दै आएको खाजा घरबाट प्रहरीले तास खेल्दै गरेको अवस्थामा पुतलीबजार नगरपालीका ४ का खाजा घर सञ्चालक ३७ वर्षीय श्रेष्ठ सहित सोही ठाउँ बस्ने ३८ वर्षीय मदन पौडेल, ५१ वर्षीय चन्द्र बहादुर गुरुङ, ५१ वर्षीय दाताराम पोख्रेल, वर्षीय ३८ लोकनाथ गिरी, ५७ वर्षीय कृष्ण थकाली र ५१ वर्षीय भक्त बहादुर दमैलाई पक्राउ गरिएको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीले जानकारी दिनुभयो ।
तास खेल्नेहरुको साथबाट रु ३५ हजार ९ सय ६० नेपाली रुपैयाँ र १७ हजार १ सय ३० भारतीय रुपैयाँ सहित ४ बुक तास समेत बरामद बरामद गरिनुका साथै पक्राउ परेकाहरुलाई दश दिनको म्याद थप गरेर अनुसन्धान प्रकृया अगाडी बढाएको प्रहरीले जनाएको छ ।