स्याङ्जा,२५ माघ–भ्रमण आएको बस आँधीखोला गाउँपालिका ६ निबुवाबोट स्थित सेतीदोभान पंचमुल भित्री सडक खण्डमा दुर्घटना हुदा ६ जना घाईते भएकाछन् ।
पोखराबाट ग्रामीण पर्यटकीय गाउँ स्याङ्जाको सिरुवारी गएर फर्किने क्रममा शनिबार ना ख ७०३४ नम्बरको बस दुर्घटनामा परेको जिल्ला प्रहरी कार्यालय स्याङ्जाले जनाएको छ । बस सडकमै पल्टिदा बसमा सवार ६ जना घाईते भएको र घाईतेहरुको पोखरामा उपचार भईरहेको प्रहरीले जनाएको छ । घाईते हुनेहरुमा पोखरा महानगरपालिका १७ विरौटा बस्ने ४५वर्षीया सीता देवि आचार्य, सोही ठाउँकी ३९ वर्षीया समिता अधिकारी, ४८ वर्षीया शान्त कुमारी सुवेदी, ४५ वर्षीया सीता आचार्य, ५० वर्षीया चीनमाया लामिछाने र २५ वर्षीया गोमा पौडेल रहेको र घाईतेहरु मध्ये अधिकाशंलाई टाउको हात र ढाडमा चोट लागेको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीले जानकारी दिनुभयो । दुर्घटनामा परेको बस पोखराबाट आमासमुहको टोलीलाई भ्रमणमा लिएर आएको भन्ने बुजिएको छ । बसमा ३७ जना सवार भएपनि ६ जना घाईते भएको र बसका चालकलाई नियन्त्रणमा लिएर अनुषन्धान प्रकृया अगाडी बढाएको प्रहरीले जनाएको छ ।