काठमाडौं,२३ माघ– विभाजित नेपाल कम्युनिष्ट पार्टीको ओली पक्षका नेता तथा गृहमन्त्री रामबहादुर थापा बादलले मांसाहारी आन्दोलन गर्नेलाई जावलाखेलको चिडियाखानामा बन्द गरिने चेतावनी दिनुभएको छ ।
मांसाहारी आन्दोलन नेपालको कानून र संविधानले अपराध घोषित गरेको उहाँले बताउनुभयो ।
प्रचण्डले केही दिन अघि भाषणमा शाकाहारी आन्दोलनबाट पार नलागेको भन्दै मांसाहारी आन्दोलनमा जानुपर्ने बताउनुभएको थियो । त्यसैलाई बादलले जवाफ दिनुभएको हो ।
ओली पक्षको आज आयोजित आमसभामा बादलले भन्नुभयो, ‘मांसाहारी आन्दोलनबाट नेतृत्वलाई अपदस्थ गर्ने घोषणा गरेका छन् । म उनीहरुलाई भन्न चाहन्छु मांसाहारी आन्दोलन गर्नेलाई जावलाखेलको ‘जू’ मा लगेर बन्द गरिनेछ ।’
आफ्नो सम्बोधनका क्रममा उहाँले राष्ट्रपति, प्रधानमन्त्री तथा पार्टी अध्यक्षलाई विस्थापित गर्न षडयन्त्र भएपछि चुनावमा जानुपरेको बताउनुभयो । चुनाव पनि आन्दोलनको एउटा रूप भएको गृहमन्त्री थापाको भनाइ छ । स्रोत नेपाल प्रेस